Langar þig að uppgötva leyndarmálið bak við bros Monu Lisu?

Da Vinci lykillinn hefur trónað efst á metsölulistum í Bandaríkjunum undanfarið hálft ár enda er hér á ferðinni mögnuð spennusaga sem gagnrýnendur og lesendur keppast við að lofa.

Robert Langdon, prófessor í táknfræði við Harvard-háskóla, er vakinn með símtali um miðja nótt á hótelherbergi í París. Roskinn safnstjóri Louvre hefur verið myrtur í einum sýningarsal safnsins og umhverfis hann gefur að líta einkennileg tákn og óskiljanlega skrift. Langdon tekur höndum saman við ungan franskan dulmálssérfræðing, Sophie Neveu, sem blandast inn í málið. Saman uppgötva þau röð óvæntra vísbendinga sem leiða lesandann meðal annars á slóð meistaraverka Leonardos da Vinci, leynifélagsins Bræðralags Síons og aldalangra átaka þess við kaþólsku kirkjuna.