Ítalinn Italo Calvino (1922-1985) er í hópi frumlegustu rithöfunda tuttugustu aldar og er honum gjarnan skipað í hóp með skáldum á borð við Jorge Luis Borges og Georges Perec. Í þessu frumlega verki slæst lesandinn í för með herra Palomar sem ver tíma sínum við að horfa á öldurnar og nakinn barm konunnar á ströndinni, hugsa um líkamsburði gíraffans og girnast erótísku gæsafeitina í kjötbúðinni eða hlýða á samtal svartþrastanna í garðinum. Sá sem hefur séð heiminn og himintunglin með augum herra Palomars mun aldrei verða samur á eftir. Þýðing: Guðbjörn Sigurmundsson.

Kaupa bók (á vef Bóksölu stúdenta)