Hajime elst upp sem einbirni. Nánasti vinur hans er stúlka á hans reki, Shimamoto, líka einbirni. Þegar Hajime flyst með fjölskyldu sinni missir hann sambandið við hana. Síðan líða árin og Hajime rekur stefnulaust áfram uns hann loks finnur hamingjuna hjá eiginkonu og tveimur börnum. Hann hefur rekstur á jazzbar sem öðlast mikla hylli og allt virðist í lukkunnar velstandi. Þá birtist Shimamoto. Nafn Japanans Haruki Murakami er nú á allra vörum. Bækur hans hafa hvarvetna vakið gífurlega athygli. Þýðandi: Uggi Jónsson.

Kaupa bók (á vef Bóksölu stúdenta)