Á síðustu dögum spænsku borgarastyrjaldarinnar stendur rithöfundurinn Sánchez Mazas ásamt fleiri föngum úr hópi falangista frammi fyrir aftökusveit lýðveldissinna. Um leið og vélbyssuskothríðin hefst notfærir hann sér ringulreiðina sem skapast og hleypur til skógar. Hermennirnir veita honum eftirför, einn þeirra finnur felustað Sánchezar, horfir í augu hans en gengur svo á braut.

Í Stríðsmönnum Salamis leitar Javier Cercas svara við því hver óþekkti hermaðurinn hafi verið og hvers vegna hann hafi þyrmt lífi manns sem var alræmdasti hugmyndafræðingur falangista og átti eftir að verða ráðherra í fyrstu ríkisstjórn Francos. Mögnuð og margverðlaunuð bók um hlutskipti mannsins á tímum stríðsátaka, lyga og óvænts hetjuskapar. Þýðing: Jón Hallur Stefánsson.

 

Úr ritdómum: "bókin hefur að geyma stórkostlegan boðskap um hugrekki, lífsvilja og mannlega reisn" (Egill Helgason, visir.is)

• 
  
  Kaupa bók (á vef Bóksölu stúdenta)