Jón Kalman bætti enn við skrautfjöðrum í hatt sinn. Í þetta sinn hlaut hann viðurkenningu Ríkisútvarpsins árið 2006. Hann flutti ræðu að þessu tilefni. meira >

"Á meðan eldaflugið magnaðist og allt að verða tólf stóð ég úti í garði með bjórflösku og var uppteknari við að róa niður hund fjölskyldunnar – T. Breiðfjörð – en mikla andakt. Það voru engin heiti, engin eftirsjá né sérstök tilhlökkun, eða öfugt. Ég stóð bara í snjónum og horfði á gamla árið springa út, leka niður svartan himin, oní kræklótt tré." Huldar Breiðfjörð, sem búsettur er i New York, kom heim í jolafrí. Hann lítur yfir farinn veg í spánnýjum pistli. meira >

Bragi Ólafsson flutti mergjaða hugvekju þegar hann tók við viðurkenningu úr Rithöfundasjóði Ríkisútvarpsins í Bláfjallasal á gamlársdag 2005. Meðal þess sem bar á góma voru eftirlitsmyndavélar bandaríska sendiráðsins við Laufásveg, andlit franska leikarans Jean Paul Belmondo, salernisferð Braga og Hallgríms Helgasonar og skemmtiferðaskip sem sekkur á ytri höfninni. Svo þakkaði Bragi líka fyrir sig. meira >

Sjón tók við Bókmenntaverðlaunum Norðurlandaráðs við hátíðlega og raunar ákaflega skemmtilega athöfn í Borgarleikhúsinu í gær, 26. október. Allir verðlaunahafar kvöldsins sýndu skemmtilega takta á sviðinu en Sjón og Eivör Pálsdóttir voru þó stjörnur kvöldsins; Eivör, sem á örugglega eftir að fá tónlistarverðlaun Norðurlandaráðs innan tíðar, söng á íslensku, færeysku og sænsku og bræddi hjörtu viðstaddra með sínum frumlega og áhrifaríka söng; þar er á ferðinni listakona sem er óhrædd við að taka áhættu í flutningi - hlustendur taka stór andköf - og lendir þó alltaf standandi. Og svo hitti Sjón í mark með sínu bráðskemmtilega þakkarávarpi, sem þú getur lesið ef þú styður á: meira >

"Ég sat við borð úti í horni á bar litháenska rithöfundasambandsins í Vilníus þegar mér barst sms-skeyti frá Sjón þess efnis að Harold Pinter hefði fengið nóbel. Þetta var um miðjan dag, ég var tveimur klukkustundum á undan samlöndum mínum á Íslandi, og var ekki bara ánægður með nóbelsfréttina heldur líka með það að ég var nýbúinn að sækja mér drykki á borðið þannig að ég gat skálað við réttlætið undir eins, án þess að þurfa að standa upp og ná mér í eitthvað af barnum." Á þessum orðum hefst pistill Braga Ólafssonar um Pinter, Litháen og kirsuberjabrandí og The Quiller Memorandum. meira >

Bolvikingurinn Eiríkur Guðmundsson fór með kunningja sínum, hugsanlega Hermanni Stefánssyni hugsanlega Geir Ólafssyni, til Vestfjarða um síðustu helgi. Fadosöngur Marizu hljómaði enn i kollum þeirra, fornar ástir voru þeim ofarlega í huga og fyrr en varði voru þeir farnir að rifast um bernskuslóðir og Galisiu, þar sem allt hefur verið gert, sagt og reynt. Ferðasöguna las Eirikur í Viðsjá á mánudaginn, nú er hún komin hingað á Bjartsvefinn. meira >

"ÉG er um borð í flugvél sem mun innan skamms lenda á Reykjavíkurflugvelli. ÉG er ljósdepill yfir Akrafjallinu og á vellinum bíður mín Range Rover bifreið. ÉG er skyndilega kominn með skegg og stútfullur af leikjum langt fram í tímann." Heimkoma Bobby Fishers, fréttastjóramál á Ríkisútvarpinu, brunaæfingar og draumur um lendingu á Reykjavíkurflugvelli blönduðust saman í huga Eiríks Guðmundssonar um páskana, eins og heyra mátti í pistli hans í Víðsjá í gær. Bjartsvefurinn falaðist eftir pistlinum til birtingar, enda kemur Da Vinci lykillinn við sögu. Hvað annað? meira >

Hermann Stefánsson var á tónleikaferðalagi í Rússlandi fyrir skömmu og fékk óvænt skilaboð á servjettu: "Á servjettunni stóð að viðkomandi – bréfið var óundirritað – þætti leitt að geta ekki staðið við samkomulag okkar, hefði langað til að hlusta á hljómsveitina spila en þurft skyndilega að fara til Bashkiriu." Servjettan og fleira urðu Hermanni kveikja margvíslegustu hugleiðinga sem heyra mátti í Víðsjá á Rás 1 í byrjun vikunnar og hafa nú ratað á Bjartsvefinn. meira >

"Bókin fjallar kannski um það að svona lítið samfélag á tvo möguleika þegar hið veika knýr dyra, að taka því vel eða illa," sagði Sjón um nýjustu skáldsögu sína Skugga-Baldur í viðtali við Þröst Helgason sem birtist í Lesbók Morgunblaðsins 2003. Þröstur ræddi við Sjón um bókina sem kölluð er þjóðsaga á titilblaði en grundvallast ef til vill fyrst og fremst á samfélagsafstöðu og skáldskaparfræði súrrealismans sem hefur verið skáldinu hugleikinn í gegnum tíðina. meira >

Í tilefni af því að hin frábæra skáldsaga Sagan af Pí eftir Yann Martel er nú komin út hjá Bjarti í kilju birtum við hér á Bjartsvefnum grein Torfa H. Tuliniusar um verkið, en hún birtist upphaflega í Lesbók Morgunblaðsins um það leyti sem Martel heimsótti Bókmenntahátíð í Reykjavík haustið 2003. Torfi lofar því að ræna ekki tilvonandi lesendur bókarinnar nautninni af því að lesa verkið en í grein sinni vekur hann athygli á ýmsu í bókinni sem gerir hana að sérstaklega ánægjulegri og uppbyggilegri lesningu. meira >

Eiríkur Guðmundsson leyfði vindinum á blása sér inn í anddyri Þjóðminjasafnsins og sá þar ljósmynd af óþekktum sveitabæ. Hann greindi frá viðbrögðunum - snert af archive feaver - í Víðsjá í vikunni og bætir nú um betur með því leyfa birtingu á sjúkraskýrslunni hér á Bjartsvefnum. meira >

Það var auðvitað. Eftir almennt herútboð þar sem Bjartshöfundar og þýðendur voru hvattir til að senda Bjartsvefnum pistla um allt milli himins og jarðar, pistla sem mættu vera hvernig sem er "nema leiðinlegir", tók Hermann Stefánsson sig til að skrifaðir lofgjörð um leiðindi og pirring. Við sögu koma Sigfús Bjartmarsson, bitra deildin og PR-nefndin. meira >

Eiríkur Guðmundsson flutti bókaútgefendum nokkuð harða ádrepu í Víðsjá undir yfirskiftinni "Þrenning sönn og ein". Þar fettir hann fingur út í Íslensku bókmenntaverðlaunin og telur að öðruvísi eigi að standa að tilnefningum til þeirra. meira >

Af einhverjum ástæðum er sú ákvörðun sænsku Nóbelsnefndarinnar að veita Halldóri Laxness Nóbelsverðlaun fyrir bókmenntir árið 1955 orðin helsta hitamálið í íslensku samfélagi. Morgunblaðið rifjar upp á nærri heilli síðu í dag hvernig það brást við þeim fréttum fyrir 49 árum. Þar eru að vísu ekki rifjuð upp skrif Kristjáns Albertssonar af því tilefni eða karp hans við Alþýðublaðið um hvort það megi kalla Halldór Laxness asna eða ekki. Þau rifjaði Jón Karl Helgason hins vegar upp í bókinni Ferðalok sem Bjartur gaf út í fyrra. meira >

Helga Haraldsdóttir, þýðandi Harry Potter bókanna á íslensku, segir í fróðlegri grein um þetta krefjandi verkefni að franski þýðandi fjórðu bókarinnar um Harry hafi fengið taugaáfall eftir að hafa unnið sleitulaust 10 klukkustundir á dag í 63 daga samfleytt. Sjálf segist hún hafa komist hjá því "að leggjast í rúmið í taugaáfalli, enda ekki ein um verkið. Eflaust hefur það líka bjargað miklu um sálarheill þýðandans að bókin er þrælspennandi og þýðing hennar því bæði ögrandi og skemmtilegt verkefni." Greinin birtist upphaflega í Lesbók Morgunblaðsins. meira >

Nú streyma handrit í forlagshús, misgóð. Best hjá BJARTI. Einn höfundur forlagsins skilaði langri og velhugsaðri markaðsáætlun með bók sinni í ár. Og það er orðið fleygt. Um leið og skyggja tekur og barirnir fyllast fara ungpíur og dreymnir drengir að tala um þennan bjartshöfund sem var svo snjall að gera handrit að markaðssókn. Og í hljóðeinangruðum útvarpsklefa sat skeggjaður náungi og síðhærður með móðu á gleraugunum og fór að gaspra um þennan sama höfund. meira >

Hvað grípur maður til bragðs þegar fylling losnar úr tönn, lampi fer í sjónvarpinu eða bréf berst frá skattayfirvöldum? Óskar Árni Óskarsson hefur tekið sér fyrir hendur að gefa góð ráð við þeim og öðrum hversdagslegum uppákomum. Hér birtast tíu sýnishorn af hollráðum skáldsins sem er þegar farinn að búa sig undir að stofna sérstakt fyrirtæki utan um starfsemina, fyrirtæki sem búast má við að skjóti Gulu línunni rebba fyrir rass. meira >

Oddný Eir Ævarsdóttir, höfundur bókarinnar Opnun kryppunnar, hefur nú flutt frá París til New York og sendir Bjartsvefnum þaðan pistil sem fjallar um kunnuglegar kenndir: Að villast heima hjá sér eða heiman frá sér og verða alien." Meðal persóna sem bregður fyrir er Paul Auster og annar Paul sem er ekki síður dularfullur. meira >

Í tilefni af komu postulínsstyttu Jeff Koons af Michael Jackson og Bubbles til Íslands (sjá vef Morgunblaðsins) birtir Bjartsvefurinn brot úr óútgefinni ævisögu Þráins Jónatanssonar sem Jón Karl Helgason vinnur að um þessar mundir. Þráinn er fyrrum blaðberi í Þingholtunum en hefur nýlega tilkynnt um framboð sitt til embættis forseta Íslands. meira >

Í ljósi nýliðinna atburða og eins þeirra sem lengra er liðið frá er ekki úr vegi að rifja upp söguna um Hinrik Hansmayen sem geymdi finkurnar sínar í búri þótt þær væru dauðar. Hermann Stefánsson settist niður og skráði sögu Hinriks, sér og öðrum að meinalausu. meira >

Þegar Hermann Stefánsson mætti í vinnu sína að morgni 1. júní  tók hann eftir því að skemmdarverk höfðu verið unnin á Listasafni Reykjavíkur við Tryggvagötu. Hálftíma síðar var lögreglan mætt á svæðið til að taka skýrslu og athuga verksummerki. Þegar Hermann kom heim úr vinnunni skrifaði hann hugleiðingu um muninn á skemmdarverkum og list. meira >

Niccolo Ammaniti hefur slegið í gegn með frábærri bók sinni "Ég er ekki hræddur". Ammaniti var hér á landi á dögunum og gaf sér tíma fyrir spjall við Kolbrúnu Bergþórsdóttur. Viðtalið birtist upphaflega í Fréttablaðinu en Kolbrún gaf Bjarti leyfi til að endurbirta það hér á vefnum. meira >

Hefurðu áhuga á að fylgjast með því helsta sem er að gerast í erlendum samtímabókmenntum? Viltu slást í hóp fjölmargra ánægðra áskrifenda í Neon-bókaklúbbi Bjarts? Það er hægðarleikur. Nú fagnar neon 3333 daga afmæli sínu með því að bjóða upp á frábært áskrifartilboð. Skráðu þig í klúbbinn, með því að smella hér, og fáðu eina neonbók ókeypis. meira >

"Ég veit ekki hvað Paul McCartney var að hugsa þegar hann samdi textann við lagið Yesterday. Líklega var hann bara dapur yfir einhverri stelpu," segir Jón Kalman Stefánsson í upphafi málsvarnar sinnar fyrir skáldskapinn. meira >

Árið 1923 hitti Franz Kafka grátandi stúlkubarn í almenningsgarði í París. Árið 2004 sendu Oddný Eir Ævarsdóttir og Eiríkur Guðmundsson frá sér nýjar bækur í Svörtu línunni hjá Bjarti. Hermann Stefánsson sá í hendi sér að hér væru á ferðinni tveir skyldir viðburðir. meira >

Viðar Hreinsson fékk Viðurkenningu Hagþenkis 2004 fyrir ævisögu Stephans G. Stephanssonar sem út kom í tveimur bindum hjá Bjarti. Þorleifur Hauksson, formaður viðurkenningarráðs Hagþenkis, gerði grein fyrir ákvörðun ráðsins á samkomu í Þjóðarbókhlöðunni:

meira >

Það er kvöld, himinninn virðist flæktur í trjágreinunum, þarna flýgur tjaldur og ég hugsa um Davíð Oddsson. Einu sinni var hann bara íslenskur strákur sem lék sér með tindáta og heyrði rödd Jóns Múla í útvarpinu. meira >

"Og gamli Sjálfstæðismaðurinn sem birtist eldrauður í sjónarpsfréttum í fyrrakvöld, þið vitið það eins vel og ég að hann talaði um ógnarstjórn, og sagði sig úr flokknum, kófsveittur einkavæðingarmaður neitaði að fara með lexíurnar sínar,“ skrifar Eiríkur Guðmundsson í lýsingu sinni á andrúmsloftinu í vesturbæ Reykjavíkur á þessum síðustu og verstu tímum. meira >

Árni Svanur Daníelsson guðfræðingur flutti bráðskemmtilega hugvekju um Syndirnar sjö á Bjartskvöldi á Súfistanum í kyrruviku. Þar líkir hann bókinni við framtalsleiðbeiningar þær sem Ríkisskattstjóri sendir frá sér árlega; munurinn er sá að hér eru á ferðinni leiðbeiningar fyrir skattframtal sálarinnar. meira >

Hamsum, Heinesen, Laxness, Melville og Þórbergur eru meðal þeirra rithöfunda sem Jón Kalman Stefánsson nefnir þegar hann er beðinn um að nefna þá höfunda sem hafi haft áhrif á hann sem rithöfund. meira >