Móses var ekki nema ellefu ára gamall þegar hann braut sparigrísinn og heimsótti gleðikonurnar. Um líkt leyti kynntist hann herra Ibrahim, gamla kaupmanninum sem rak arababúð mitt í gyðingahverfinu og sat rólegur á stólnum sínum þótt drengurinn hnuplaði frá honum niðursuðudósum. Daginn sem Brigitte Bardot gekk inn í búðina stóð herra Ibrahim hins vegar aldrei þessu vant á fætur. Þennan dag urðu þeir Móses líka vinir.

Fyrsta bókin í þríleik eftir Eric-Emmanuel Schmitt um hlutverk trúarbragðanna í mannlegu samfélagi. Þýðandi: Guðrún Vilmundardóttir.

Úr ritdómum

"... falleg saga af vináttu drengs og aldraðs manns sem hefur miklu að miðla hinu vanrækta barni. Stíll Eric-Emmanuel Schmitt er víða mjög ljóðrænn og fagur (í vandaðri þýðingu Guðrúnar Vilmundardóttur). Á yfirborðinu er þetta gagnorður, einfaldur stíll sem lætur lítið yfir sér en meira býr undir niðri." (Soffía Auður Birgisdóttir, Morgunblaðið)

Kaupa bók (á vef Bóksölu stúdenta)