Stephan Lewis er vinsæll barnabókahöfundur. Líf hans líður áfram í venjubundnum hægagangi. Upp rennur enn einn laugardagsmorguninn og hann ákveður, eins og svo oft áður, að fara með dóttur sína þriggja ára í innkaupaleiðangur í stórmarkaðinn. Þetta reynist hin afdrifaríkasta för því á meðan hann bíður eftir afgreiðslu er barninu rænt. Þar með tekur líf Stephans nýja stefnu þar sem ekkert er sem fyrr.

Ian McEwan er í hópi allra fremstu núlifandi rithöfunda Bretlands. Fyrir þessa mögnuðu sögu fékk hann hin virtu Whitbread-verðlaun. Þýðandi: Árni Óskarsson.

Úr ritdómum

"Einstaka sinnum kemur fram á sjónarsviðið skáldskapur sem hefur svo djúpstæð áhrif á heila kynslóð manna að hann lifir með henni það sem eftir er. Jafnvel þótt áhrifin fjari nokkuð út með tímanum og þær kynslóðir sem eftir koma líti verkið eilítið öðrum augum stenst slíkur skáldskapur alla jafna tímans tönn og varðar við þann farveg sem skáldskapargáfan hefur markað í framrás sinni. Þannig er því einmitt farið með verk Ians McEwans The Child in Time, eða Barnið og tíminn, eins og það heitir á íslensku." (Fríða Björk Ingvarsdóttir, Lesbók Morgunblaðsins)

Kaupa bók (á vef Bóksölu stúdenta)