Bækur
Fréttir
Dagný Kristjánsdóttir

„Á erindi inn hvert einasta heimili þar sem eitthvað er lesið“ sagði Guðfinnur Sigurvinsson á Rás 2 um Öldina öfgafullu eftir Dagnýju Kristjánsdóttur í umfjöllun um bókina. Hann er ekki einn um að hugnast þessi stórglæsilega bók um bókmenntasögu 20. aldar því fjöldi framhaldsskóla hefur þegar ákveðið að nota bókina sem var að koma úr prentun.

 
> >

Mary Ann Shaffer & Annie Barrows

"1 stykki Anna í Grænuhlíð eftir L.M. Montgomery, 1 stykki Dagbók Bridget Jones eftir Helen Fielding, 1 stykki 84 Charing Cross Road eftir Helene Hanff: Blandið saman í stórum potti, piprið með væntumþykkju, krúttlegheitum og gamansögum, hrærið vel og útkoman verður Bókmennta- og kartöfluböku-félagið  . . ."
Brynhildur Heiðardóttir Ómarsdóttir, Midjan.is

Juliet Ashton er ungur rithöfundur og árið er 1946. Hún er að leita að efni í næstu skáldsögu þegar hún fær bréf frá manni sem hefur fyrir tilviljun eignast bók sem skáldkonan unga átti áður. Þegar í ljós kemur að hann er félag í Bókmennta- og kartöflubökufélaginu á Guernsey-eyju er forvitni hennar vakin og fyrr en varir kynnist hún fleirum í þessum merka selskap.

Bréfin ganga manna á milli og skáldkonan kynnist ást og sorgum á Guernsey undir þýsku hernámi, finnur efni í næstu skáldsögu og vináttu sem er engri lík.

"Heillandi bók sem hrífur jafnvel mesta efasemdarfólk" sagði stórblaðið Times, sem jafnframt valdi bókina bestu kilju síðasta árs.
 

"Yndisleg bók um kostulegt félag ... Það er augljóst að Mary Ann hefur sankað að sér hafsjó af fróðleik um hernám Guernsey-eyjar og hún fléttar hann skemmtilega inn í sögu furðulegra og frábærra persóna sem manni fer smám saman að þykja vænt um."Hólmfríður Gísladóttir, Morgunblaðið 8. ágúst 2010

 


> >

Ferdinand von Schirach

Ferdinand von Schirach er þýskur stjörnulögfræðingur á fimmtugsaldri. hann hefur sótt og varið mál fyrir þýskum dómstólum í rúm tuttugu ár. Í GLÆPUM segir hann sögur af ótrúlegumafbrotum, sérkennilegum refsingum og skrýtnum örlögum fólks sem hann hefur kynnst í starfi sínu. Sögurnar kunna að vera  ótrúlegar, en þær eru sannar.

Hvernig stendur á því að maður sem drepur eiginkonu sína með öxi fær vægustu refsingu? Hvað verður um ólánlega smákrimma sem brjótast inn hjá japönskum auðjöfri og grípa óvart með sér
mörg hundruð ára ættardjásn? Hver er saga bankaræningjans sem allir hafa samúð með, líka gjaldkerinn sem varð fyrir barðinu á honum.

Bókin hefur verið metsölubók í Þýskalandi síðan hún kom út árið 2009, hefur verið seld til 30 landa og verður brátt kvikmynduð.

"Stórkostlegt byrjendaverk, grípandi frá fyrstu síðu og slær enga feilnótu."
Frankfurter Allgemeine Sonntagszeitung
> >

Fred Vargas

Ógnarástand ríkir í fjallaþorpi í frönsku  Ölpunum. Úti um allar sveitir er sauðfé  drepið á skelfilegan hátt. Þegar kona  úr þorpinu verður fórnarlamb, kemst á kreik  orðrómur um að einsetumaður í fjallinu breytist í  varúlf á nóttunni. Eina leiðin til þess að ráða bug  á varúlfi er að spretta upp á honum kviðnum,  frá hálsi niður að eistum. Eftir það er of seint að  gráta mistök sín. Adamsberg lögreglufulltrúi er  hundeltur af morðkvendi í höfuðborginni og  heldur út í sveit til að kveðja niður þjóðsöguna. Og hitta aftur kærustuna sína.
 
Fred Vargas er franskur fornleifafræðingur og  alþjóðlegur metsöluhöfundur. Hún er margverðlaunuð fyrir spennusögur sínar um hinn heillandi Adamsberg lögregluforingja, og hefur meðal annars hlotið GULLNA RÝTINGINN þrisvar sinnum.
> >

Fred Vargas

Það eru sjö ár síðan Joss tók upp hina fornu stöðu kallarans. Á hverjum degi kallar hann upp á torginu fréttir sem honum hafa borist til upplestrar. Þrátt fyrir dagblöð, útvarp og sjónvarp fylgist hópur fólks með, enda aldrei skortur á fréttum og forvitni manna engin takmörk sett.

Undarleg merki eru máluð á útidyr um alla Parísarborg og einkennilegar fréttir berast Kallaranum. Áhugi Adamsbergs lögregluforingja er vakin, en hann hefur í krafti innsæis síns einstaka hæfileika til að þefa uppi hluti sem aðrir koma ekki auga á.

Fred Vargas er franskur fornleifafræðingur og  alþjóðlegur metsölu-höfundur. Hún er margverðlaunuð fyrir spennusögur sínar um hinn heillandi Adamsberg lögregluforingja, og hefur meðal annars hlotið GULLNA RÝTINGINN þrisvar sinnum.
> >

Robert Goddard - meistari hinnar úthugsuðu fléttu

Aldagömul ráðgáta er við það að leysast.

Tim Harding gerir gömlum vini greiða og býður fyrir hans hönd í fornan hring á antíkuppboði.  Hann veit ekki að hringurinn tengist skelfilegum atburðum. Hringnum er stolið og í kjölfarið fylgir morð.

Tim Harding dregst inn í vef lyga og blekkinga og þegar hann  finnur slóð til að fylgja rekst hann á konu sem hann er viss um að þekkja,  þótt þau hafi aldrei hist. Eftir því sem hann nálgast lausn málsins  uppgötvar hann sér til hrellingar að þeir sem hafa áður leyst þessa sömu gátu guldu fyrir það með lífi sínu.
 
Robert Goddard, sem hefur verið kallaður meistari hinnar úthugsuðu fléttu, er alþjóðlegur metsöluhöfundur.   

„Heillandi lesning ... frábær byrjun fyrir þá  sem ekki þekkja bækur Goddards og veisla fyrir  einlæga aðdáendur.“ GUARDIAN

"Í flóði skandinavískra krimma er hvíld í að lesa krimma eins og þá sem Robert Goddard skrifar ... hugvitssamlegar og halda manni við efnið út í gegn."
Árni Matthíasson, Morgunblaðið 15. ágúst 


> >

Aino Havukainen & Sami Toivonen

* * * * 1/2 Ingveldur Geirsdóttir, Mbl. 25. apríl

"Hér er mjög skemmtileg barnabók á ferð fyrir breiðan aldurshóp ... Hverja mynd er hægt að skoða endalaust því mikið er af skemmtilegum smáatriðum sem fengu mig til að skella upp úr." Ingveldur Geirsdóttir, Mbl. 25. apríl


> >

Stieg Larsson

KARLAR SEM HATA KONUR eftir Stieg Larsson er komin út í kilju. Bókin hefur farið sigurför um heiminn - m.a. setið á metsölulista NYT - og hefur kiljunnar verið beðið með mikilli eftirvætningu.

"Það væri HRÆÐILEGT að missa af þessari bók!" Kolbrún Bergþórsdóttir, Kiljan



"Gríðarlega vel skrifaðir og flottir krimmar." Páll Baldvin Baldvinsson, Kiljan


> >

Panos Karnezis

“Örvænting, grimmd, örlæti, hneyksli, grunsemdir og sjálfsvíg, allt í lifandi og leiftrandi stíl.” –Sunday Times

”Klaustrið er kyrrlát, nánast þögul, frásögn en um leið brennheitt, mannlegt drama ... Saga Karnezis er máttug og fumlaus.” –Times


> >

Cormac McCarthy

Bók áratugarins, samkvæmt stórblaðinu The Times.

Heimsendir hefur orðið. Vegurinn lýsir göngu feðga yfir sviðna jörð, himinninn er grár, aska yfir öllu, dýralíf hefur liðið undir lok, mannætur ráfa um með tægjur á milli tannanna, en feðgarnir berjast við að halda lífi og reisn. Hvað stendur eftir þegar allt  er hrunið? Hvar á maður höfði sínu að halla? Og hvað með vonina?


> >



Til hamingju Jón Kalman!
(30.08.2010)
Jón Kalman Stefánsson hefur verið valinn bæjarlistamaður Mosfellsbæjar árið 2010. Þetta var tilkynnt á bæjarhátíðinni Í túninu heima, sem fram fór um helgina. Menningarmálanefnd bæjarins sagði í ályktun sinni: "Hann hefur haslað sér völl sem einn af bestu rithöfundum og ljóðskáld sem fram hafa komið hin síðari ár á Íslandi.  Hann hlaut Íslensku bókmenntaverðlaunin fyrir Sumarljós og svo kemur nóttin árið 2005.  Hann hefur þrisvar sinnum verið tilnefndur til bókmenntaverðlauna Norðurlandaráðs, fyrir Sumarið bak við brekkuna, Ýmislegt um risafurur og tímann og Sumarljós og svo kemur nóttin." Bjartur óskar Jóni Kalman innilega til hamingju með titilinn. meira >

Of lygilegt til að vera skáldað!
(30.08.2010)
Erna Erlingsdóttir skrifar glimrandi dóm um Glæpi, eftir Ferdinand von Schirach, á hina skemmtilegu bókmenntasíðu Druslubækur og doðrantar. "Frásagnarhæfileikar Schirachs eru annar af tveimur stærstu kostum bókarinnar," skrifar Erna í niðurlagi sínu, "hinn er manneskjulega sjónarhornið sem er ráðandi. Í sögunum eru glæpirnir sjálfir ekki aðalatriðið heldur rætur þeirra og fólkið sem þeim tengist. Hér eru ekki felldir dómar heldur velt upp spurningum og leitað skilnings. Þar með situr lesandinn eftir með fjölmörg umhugsunarefni, um fólk og furður mannlífsins, satt og logið, glæpi og refsingu og sitthvað fleira." meira >

Á eftir Glæpum: Sekt á metsölulistum í Þýskalandi
(23.08.2010)
Þau tíðindi berast nú frá þýska útgefanda Ferdinands von Schirach, að hann rjúki beinustu leið í efstu sæti þýskra metsölulista, með sína nýju bók: Sekt. Glæpir (Verbrechen) hafa selst bráðum í 200 þúsund eintökum og rétturinn verið seldur til 30 landa (hún er nýjasta neon-bókin, kom út fyrir 3 vikum og hefur setið á metsölulistum síðan og kemur út á ensku í upphafi næsta árs:) Nema hvað nú fyrir 2 vikum kom nýja bókin út í Þýskalandi: Sekt (Schuld). Formið og fídusinn er sá sami: stuttar sögur af sérkennilegum - og umhugsunarverðum! - glæpum og enn sérkennilegri örlögum meira >

Hugvitssamlegar og halda manni við efnið
(20.08.2010)
Árni Matthíasson skrifaði um Svipinn, glænýja kilju eftir Robert Goddard, í sunnudagsmogga vikunnar. "Í flóði skandinavískra krimma er hvíld í að lesa krimma eins og þá sem Robert Goddard skrifar," sagði Árni í grein sinni og hrósar bókum Goddards fyrir að vera "hugvitssamlegar og halda manni við efnið út í  gegn." Hann dregur saman efni sögunnar í örfáum línum og þær fylgja hér: "Í sem stystu máli snýst sagan um hring sem rænt var af skipbrotsmanni á Scilly-eyjum í upphafi átjándu aldar, en þó ekki. Hún er nefnilega líka um atburði sem áttu sér stað löngu áður og líka atburði sem áttu sér stað löngu síðar. Og allt þar á milli." meira >

Adamsberg. Kóróna sköpunarverksins
(13.08.2010)
Bjartur hefur, einsog fyrr hefur komið fram, kolfallið fyrir hinni frönsku skvísu Fred Vargas. Fyrir nokkru kom út bók hennar VARÚLFURINN; nú er komin ný. Strax. KALLARINN. Fred Vargas er alveg frábær höfundur, sögurnar hennar renna svo fallega áfram, eru þrælspennandi og persónurnar fjölbreyttar og einhvern veginn svo djúsí. Adamsberg, með sitt djúpa innsæi og flotta þankagang, er svo náttúrlega kóróna sköpunarverks hennar. Enda hefur hún hlotið gullna rýtinginn þrisvar sinnum! Fred Vargas, gerið svo vel!

meira >

Sofandaháttur vináttu að verki
(12.08.2010)
Bjarti bókaforlagi áskotnuðustu miðar á vináttulandsleik Íslands og Lichtenstein í gær. Ónefndur prófarkalesari, sem fór síðast á völlinn árið 1976, var fulltrúi forlagsins á vellinum. Leikurinn varð honum kveikja að hugleiðingu um vináttu, stríðsrekstur og keppnistilfinningar sem reka menn úr skónum:


Ísland gegn Liechtenstein.

„Hver er vináttan í svona vináttulandsleik?“

„Engin,“ svaraði barnið hiklaust.

Þetta var á leiðinni framhjá Fjölskyldu- og húsdýragarðinum, leikurinn átti að hefjast eftir fáeinar mínútur og vegna þessa orðs, um enga vináttu, rifjuðust upp hugleiðingar Orwells um knattspyrnu, þar sem hann fór ófögrum orðum um þá úlfúð er í kringum fótboltaleiki, sér í lagi landsleiki, og fleiri keppnisíþróttir – raunar svo ófögrum að þau vekja ugg í brjóstum friðelskandi fólks. Röksemdir hans í málinu kristallast nokkurn veginn í þessum setningum.
meira >

Lífsgæði Hornfirðings aukin til frambúðar
(12.08.2010)
Rétt í þessu hringdi maður frá Hornafirði í höfuðstöðvar Bjarts, alveg í öngum sínum. Hann er á leiðinni til útlanda og vill hafa þá frábæru bók Glæpi með sér á ferðalaginu, enda hafa fjölmargir mælt með henni í hans eyru. En bókin var uppseld á Höfn í morgun. Manninum var að sjálfsögðu vel tekið í höfuðstöðvunum og vakthafandi starfsmaður leysti ekki bara úr vanda hans á örskostsstundu, með því að benda á að bókin væri fáanleg í Leifsstöð, heldur hefur aukið lífsgæði mannsins til frambúðar með því að selja honum áskrift að neon, besta bókaklúbbi í heimi, en Glæpir er einmitt nýjasta bókin í þeirri vinsælu ritröð. meira >

Þýðandi Glæpa á Rás 2
(11.08.2010)
Bjarni Jónsson, þýðandi með meiru, var gestur í hinum bráðskemmtilega morgunþætti Rásar tvö í síðustu viku: Þar fjallaði hann um Glæpi, eftir Ferdinand von Schirach, en þýskumælandi vinur Bjarts.is var svo ljómandi notalegur að senda ritstjórninni link á útvarpsþáttinn, með þeim orðum að þeir sem ekki væru þeirrar gæfu aðnjótandi, einsog hann sjálfur, að geta hlustað á höfundinn lesa upp á þýsku, gætu hér hlustað á þýðandann segja frá bókinni. meira >

Saga af manni sem unni konu en drap hana um síðir
(11.08.2010)
Hér er glaðningur fyrir þá vini Bjartsvefjarins sem skilja þýsku ... og hina sem vilja þjálfa sitt eyra: Hér er hægt að hlusta á Ferdinand von Schirach, höfund síðustu neon-bókar, lesa fyrstu söguna í þeirri ágætu bók: En það er saga af manni sem unni konu sinni með þeim hætti að hann drap hana um síðir. Glæpir er safn nokkurra sagna þar sem þessi reynslumikli lögfræðingur, Ferdinand von Schirach, segir frá sérkennilegum málum sem hann hefur fengist við í gegnum tíðina. Fallega skrifaðar sögur um sérkennileg örlög. meira >

Skemmtilega skrítnar glæpasögur og frábært persónugallerí
(10.08.2010)
"Ein ánægjulegasta uppgötvun mín á vígvelli afþreyingar-bókmennta er franska skáldkonan sem nefnir sig Fred Vargas, en hún mun vera fornleifafræðingur og sagnfræðingur að mennt." Svo ritar Úlfhildur Dagsdóttir á Bókmenntavefinn í apríl árið 2007. Bjartur hefur nýlega gefið út í kilju Varúlfinn, eftir Fred Vargas og væntanleg innan skamms er önnur kilja: Kallarinn. "skemmtilega skrítin glæpasaga sem fellir saman fortíð og nútíð á afskaplega smart hátt, í bland við fjölbreytt og óvenjulegt persónugalleríl," segir Úlfhildur á Bókmenntavefnum. Úlfhildur hefur greinilega, einsog Bjartur, fallið fyrir hinni frönsku skvísu Fred Vargas, en svona lýsir hún bókum hennar: "Eitt af einkennum verka Vargas er þráhyggja, meira >



Bjartur bókaforlag         Bræðraborgarstíg 9. 101 Reykjavík         Sími: 414 14 50         bjartur@bjartur.is